काठमाडौं । नेपाल एलपी ग्यास उद्योग संघले ग्यासको नयाँ सिलिन्डर खरिद गर्दा धरौटी रसिद अनिवार्य रुपमा लिन ग्राहकहरुलाई आग्रह गरेको छ । संघले सोमबार एक विज्ञप्ति जारी गर्दै यस्तो आग्रह गरेको हो ।
संघको गत शुक्रबार सम्पन्न २५ औं वार्षिक साधारणसभाको निर्णयअनुसार ग्यास सिलिन्डरको मूल्यमा एकरुपता कायम हुने भएको हो । जसअनुसार असोज २८ अर्थात मंगलबारदेखि लागू हुनेगरी फलामे खाली सिलिन्डरको मूल्य २ हजार १ सय रुपैयाँ निर्धारण गरिएको छ ।
संघले तोकेको ग्यास सिलिण्डरको मूल्य दुर्गमबाहेकका जिल्लाका लागि निर्धारण गरिएको हो । नयाँ मूल्यमा बिक्रेताहरुलाई ह्यान्डलिङवापत १ सय रुपैया निर्धारण गरिएको उल्लेख छ ।
ग्राहकले सिलिण्डर खरिदमा धरौटी रसिद नलिए कम्पनीहरुले जवाफदेहिता नलिने साधारणसभाको निर्णय विज्ञप्तिमा उल्लेख छ । ग्यास सिलिन्डरको मूल्यमा एकरुपता कायम गर्न यस्तो निर्णय गरिएको हो ।
प्रतिक्रिया