Logo

Banner-news

भारतले आजदेखि नेपालसहितका छिमेकीलाई कोरोनाविरुद्ध खोप अनुदानमा दिने


GDP Nepal
   ७ माघ २०७७, बुधबार


काठमाडौं । भारतले बुधबारदेखि नेपालसहित छिमेकी मुलुकलाई कोरोनाविरुद्धको खोप उपलब्ध गराउने भएको छ । भारतीय विदेश मन्त्रालयका अनुसार नेपालसहित विभिन्न छिमेकी देशहरूलाई अनुदानस्वरूप बुधवारबाट कोरोनाभाइरस खोप उपलब्ध गराइनेछ ।

भारतले नेपालसहित भुटान, माल्दिभ्स, बाङ्ग्लादेश, म्यानमार र सेसल्सलाई बुधवारबाट खोप अनुदानमा वितरण गरिने भारतीय विदेश मन्त्रालयको विज्ञप्तिमा उल्लेख छ।

तर, नेपालले कति परिमाणमा खोप प्राप्त गर्छ भन्ने स्पष्ट भइसकेको छैन र नेपाली पक्षले पनि यसबारेमा प्रष्ट जानकारी पाउन सकेको छैन। नेपाल आफैंले खोप खरीदका विषयमा अलमल गरिरहेको बेला छिमेकी भारतको सहयोग प्राप्त हुने भएको हो ।

यसअघि भारतीय विदेशमन्त्रालयले श्रीलंका, अफगानिस्तान र मोरिससलाई त्यहाँका नियामक निकायहरूले स्वीकृति दिएपछि खोप उपलब्ध गराउने जनाएको थियो। नेपालको औषधि व्यवस्था विभागले भारतको सिरम इन्स्टिच्युटमा उत्पादन भइरहेको अक्सफर्ड एस्ट्राजेनेकाको कोभिशिल्ड खोपलाई आपतकालीन प्रयोगका लागि अनुमति दिइसकेको छ ।

भारतभित्र पनि खोपको उच्च माग छ । अग्रमोर्चामा खटिने कामदार र जोखिममा रहेका जनसंख्यालाई खोप उपलब्ध गराउँदै आएको भारतले छिमेकी देशहरूलाई पनि चरणबद्ध रूपमा आगामी हप्ता र महिनामा खोप उपलब्ध गराउने उल्लेख गरेको छ।

विदेश मन्त्रालयको विज्ञप्तिमा देशभित्रका उत्पादकहरूले भारतभित्रको आन्तरिक माग पुरा गर्ने हिसाबको पर्याप्त भण्डारण गरेपछि खोप बाहिर पठाउने कुरा सुनिश्चित गरिने उल्लेख गरेको छ।

प्रकाशित : ७ माघ २०७७, बुधबार

सूचना विभाग दर्ता नं.

                   
१२०७/२०७५/७६

सम्पर्क

Kupondole -10 Lalitpur Nepal
+9779841625018/9851090914
[email protected]ail.com

हाम्रो समूह

  • प्रधान सम्पादक
    विपेन्द्र कार्की
  • कार्यकारी निर्देशक
    कुमार खतिवडा
  • संवाददाता
    अस्मिता शाह