काठमाडौं । नेपाल भेटेरेनरी एशोसिएसनको अध्यक्षमा डा. शितलकाजी श्रेष्ठ पुनः निर्वाचित भएका छन् । संघका श्रेष्ठको अध्यक्षतामा नयाँ नेतृत्व चयन पनि भएको छ ।
ललितपुरस्थित सानेपामा सम्पन्न साधारण सभाबाट पशु सेवा विभागका निवर्तमान महानिर्देशक डा. वंशी शर्मालाई पराजित गर्दै डा. श्रेष्ठ तेस्रोपटक अध्यक्षमा निर्वाचित भएका हुन् ।
श्रेष्ठले कुल खसेको ४८६ मतमध्ये ३८६ मत प्राप्त गरेका थिए ।
यसैगरी, उपाध्यक्षमा निवर्तमान महासचिव डा. गृष्म न्यौपानेलाई पराजित गर्दै डा. कृष्ण काफ्ले निर्वाचित भएका छन् । महासचिव, सचिव, कोषाध्यक्ष र प्रधान सम्पादकमा क्रमश डा. अशेष भट्टराई, डा. रामचन्द्र सापकोटा, डा. सिकेश मानन्धर र डा. सुरेन्द्र कार्की निर्विरोध निर्वाचित भएका छन् ।
कार्यकारिणी समितिको केन्द्रीय सदस्य पदमा १२ जना प्रतिस्पर्धीबाट ६ जना निर्वाचित हुने व्यवस्थाअनुरुप क्रमशः डा. शंकर न्यौपाने, डा. सेरिन अमात्य, डा. अजितकुमार कर्ण, डा. महेश्वर दाहाल, डा. रकसन कर्माचार्य र डा. सविना लम्साल निर्वाचित भएका छन् ।
यसअघि सातै प्रदेशमा एशोसिएसनको प्रादेशिक समितिहरुको निर्वाचन सम्पन्न भएको थियो । प्रादेशिक समितिका अध्यक्षहरु केन्द्रीय कार्यसमितिको सदस्य रहने व्यवस्था छ ।
प्रतिक्रिया