Logo

कार्पेट / बजार

हुण्डाईद्वारा गण्डकी प्रदेश सरकारलाई ५० लाख बराबरको स्वास्थ्य सामग्री प्रदान


२५ बैशाख २०७८, शनिबार


काठमाडौं । नेपालको लागि हुण्डाई मोटर्सको आधिकारीक विक्रेता लक्ष्मी हुण्डाईले हुण्डाई मोटर कम्पनी, कोरियाको सौजन्यमा ५० लाख रुपैयाँ बराबरका कोभिड–१९ उपचारका बेला चाहिने पीपीइलगायतका आवश्यक स्वास्थ्य सामग्री गण्डकी प्रदेश सरकारलाई प्रदान गरेको छ ।

शुक्रबार आयोजना गरिएको एक कार्यक्रममा प्रदेशको सामाजिक विकास मन्त्रालयलाई यो सहयोग हस्तान्तरण गरिएको जनाइएको छ । कोभिड–१९ संक्रमण रोकथाममा मद्दत गर्नका लागि सो स्वास्थ्य सामग्रीहरु प्रदान गरिएको हो । यसको मूल उद्देश्य आवश्यकता परेका बिरामीहरुलाई समयमा र सही तरिकाले उपचार प्रदान गर्नु रहेको जनाइएको छ ।

लक्ष्मी हुण्डाईले सधैं यस्ता परोपकारी उद्देश्यहरुलाई आफ्नो कर्पोरेट सामाजिक उत्तरदायित्व अन्तर्गत सहयोग गर्दै आइरहेको छ । लक्ष्मी ग्रुपले कोरोनाभाइरस संक्रमण रोकथाम, नियन्त्रण र उपचार कोषमा १ करोड सहयोगका साथै फिभर क्लिनिक स्थापनाका लागि आर्थिक सहयोग गरेको थियो ।

प्रकाशित : २५ बैशाख २०७८, शनिबार

सूचना विभाग दर्ता नं.

१२०७/2075/76

सम्पर्क

Chabahil -7 Kathmandu Nepal
+9779841869701
[email protected] [email protected]

हाम्रो समूह

  • प्रधान सम्पादक
    बिपेन्द्र कार्की
  • प्रमुख कार्यकारी अधिकृत
    कुमार खतिवडा
  • सम्पादक
    सरोज कुमार कार्की
  • संवाददाता
    पार्वती थपलिया
  • प्रकाश भण्डारी
    पुनम साह