काठमाडौं । अख्तियार दुरुपयोग अनुसन्धान आयोगले आयोगले कर फर्स्यौट आयोगका तत्कालीन संयोजक चुडामणि शर्मासहित अन्य दुई सदस्यविरुद्ध भ्रष्टाचार मुद्दा दायर गरेको छ । लामो अनुसन्धानपछि अख्तियारले शर्मासहित सदस्यद्वय लुम्बध्वज (एलडी) महत र उमेश ढकालविरुद्ध १ अर्ब ३३ लाख बिगो दाबी गर्दै मुद्दा दर्ता गरेको हो ।
आयोगले शर्मा, महत र ढकालविरुद्ध बुधबार विशेष अदालतमा मुद्दा दर्ता गरेको हो।
सुशील कोइराला नेतृत्वको सरकारले आन्तरिक राजस्व विभागका महानिर्देशक शर्माको अध्यक्षतामा तीन सदस्यीय कर फर्स्यौट आयोग गठन गरेको थियो । सो समयमा अर्थमन्त्री डा. रामशरण महत थिए ।
आयोगले जथाभावी कर फर्स्यौट गरिदिँदा राज्यलाई हानी नोक्सानी भएको अख्तियारको भनाइ छ । कर फर्छ्यौट आयोग ऐन, २०३३ ले दिएको अधिकारक्षेत्र बाहिर गइ वदनियतपूर्वक करदाताहरुसँग कर फर्छ्यौट सम्झौता गरी राजस्व छली गरेको देखिएको अख्तियारले दाबी गरेको छ।
उनीहरुले मनोमानी किसिमले बदनियपूर्वक १ अर्ब ३३ लाख २० हजार ३८५ रुपैयाँ बक्यौता कर छुट दिएको पुष्टि हुन आएको अख्तियारको दावी छ।
प्रतिक्रिया