Logo

Banner-news

सर्वोत्तमको सेयरबारे धितोपत्र बोर्डलाई अर्थ मन्त्रालयद्वारा तीन दिने स्पष्टीकरण पत्र


१४ श्रावण २०७८, बिहिबार


काठमाडौं । धितोपत्र बोर्डका अध्यक्ष भीष्मराज ढुंगानाले बुक बिल्डिङको निर्णय पूर्व नै सर्वोत्तम सिमेन्टको सेयर आफ्नी छोरीका नाउँमा खरिद गरेको सम्बन्धी समाचार सार्वजनिक भएसँगै अर्थ मन्त्रालयले बोर्डलाई स्पष्टीकरण सोधेको छ ।

अर्थले बोर्ड अध्यक्ष ढुंगानालाई नभै बोर्डलाई नै सत्य तथ्य यथार्थता स्पष्ट पार्न निर्देशन दिएको हो ।

बुक बिल्डिङमार्फत नेपालमै पहिलो पटक सर्वोत्तमले सर्वसाधारणका लागि आईपीओ जारी गर्ने तयारी गरिरहेको बेला अध्यक्ष ढुंगानाकी छोरी रेबिका ढुंगानाको नाममा सर्वोत्तमको करीव १२ हजार कित्ता सेयर नामसारी भएको पाइएको थियो ।

हिमाल खबर डटकममा बोर्ड अध्यक्ष ढुंगानाले भित्री सूचनाका आधारमा आफ्नो छोरीको नाममा सेयर किनेर पदको दुरुपयोग गरेको समाचार प्रकाशन गरेसँगै यसमा अर्थको समेत चासो देखिएको हो । अर्थल सो समाचारका विषयमा स्पष्ट पार्न तीन दिनको समय दिएर स्पष्टीकरण सोधेको छ ।

मन्त्रालयले विषयवस्तुको सम्बन्धमा सत्थ, तथ्य यथार्थता के हो, सोको स्पष्ट र तथ्यपरक विवरण मन्त्रालयमा बुझाउन भनेको हो । मन्त्रालयको वित्तीय क्षेत्र व्यवस्थापन तथा संस्थान समन्वय महाशाखाले यस्तो जानकारी गराएको छ ।

प्रकाशित : १४ श्रावण २०७८, बिहिबार

सूचना विभाग दर्ता नं.

१२०७/2075/76

सम्पर्क

Chabahil -7 Kathmandu Nepal
+9779841869701
[email protected] [email protected]

हाम्रो समूह

  • प्रधान सम्पादक
    बिपेन्द्र कार्की
  • प्रमुख कार्यकारी अधिकृत
    कुमार खतिवडा
  • सम्पादक
    सरोज कुमार कार्की
  • संवाददाता
    पार्वती थपलिया
  • प्रकाश भण्डारी
    पुनम साह