जीवन विकासको सेयर पहिलो दिनै ९८९ रुपैयाँः साढे १३ लाख कित्ता खरिद अर्डर, बिक्री अर्डर शून्य

काठमाडौं । कारोबार सुरु भएको पहिलो दिन नै जीवन विकास लघुवित्तको सेयर मूल्य ८.२२ प्रतिशतले वृद्धि भएको छ । नेपाल स्टक एक्सचेञ्जमा बिहीबार प्रतिकित्ता ९१४ रुपैयाँमा कारोबार सुरु भएको जीवन विकास लघुवित्तको सेयर अन्तिम कारोबार भने ९८९.१० रुपैयाँमा भयो ।

यद्यपि, यो समाचार तयार पार्दासम्म जीवन विकास लघुवित्तको सेयरका लागि कुनै पनि बिक्री आदेश छैन भने १३ लाख ६० हजार ३९९ कित्ताका लागि खरिद आदेश रहेको देखिन्छ ।

जीवन विकास लघुवित्त वित्तीय संस्थाको ६० लाख ८४ हजार कित्ता आईपीओ बुधबार सूचीकृत भएको थियो । नेपाल स्टक एक्सचेञ्जले जीवन विकासलाई न्युनतम् ३०५ रुपैयाँ २७ पैसा देखि अधिकतम ९१५ रुपैयाँ ८१ पैसा मूल्य तोकेको थियो ।