तारा एयरले पोखरा-जोमसोम नियमित हवाई उडान शुरु गर्ने

काठमाडौँ ।

यति एयरलाइन्सको भगिनी संस्था तारा एयरले पोखराबाट जोमसोम नियमित हवाई उडान शुरु गर्ने भएको छ । एयरलाइन्सका अनुसार आगामी असोज २३ गतेदेखि उडान सुरु हुनेछ ।

एयरलाइन्सले कोरोना महामारीका कारण बन्द भएको उडान उडानलाई सुचारु गर्न लागेको हो । कम्पनीका अनुसार चाडपर्व र मुक्तिनाथ दर्शनका लागि जाने यात्रुलाई लक्षित गरेर पोखरा–जोमसोम उडान नियमित सञ्चालन गर्न लागिएको हो ।