काठमाडौँ ।
नेपाल चेम्बर अफ कमर्स अन्तर्गत नेपाल महिला चेम्बरद्धारा नेपालमा उत्पादन भएका अर्गानिक कृषि उत्पादन लगायत अन्य उपभोग्य बस्तुहरु प्रवद्र्धनको लागि दशै, तिहार व्यापार मेला २०२१ को आयोजना हुने भएको छ ।
मेला असोज १३ गते विहान १० बजे देखि सांझ ६ बजेसम्म कमलपोखरीस्थित सिटि सेन्टरमा आयोजना हुने बताइएको छ । उक्त कार्यक्रमको उद्घाटन नेपाल चेम्बर अफ कमर्र्सका अध्यक्ष राजेन्द्र मल्लले गर्ने जनाइएको छ । नेपाली महिला उद्यमीहरुको प्रवद्र्धनका लागि गठन भएको नेपाल महिला चेम्बरले आयोजना गरेको उक्त मेलाबाट नेपालमा उत्पादन भएका कृषि योग्य अर्गानिक तथा अन्य उपभोग्य वस्तुहरुको प्रवर्द्धनमा महत्वपूर्ण योगदान दिने विश्वास लिईएको छ ।
नेपाल चेम्बर अफ कमर्स अन्तर्गत रहि नेपाल महिला चेम्बरले देशको महिलाहरुको हकहितको संरक्षण गरि महिला उद्यमशीलता विकासको लागि नेपाल महिला चेम्बर गठन भएको र विगतमा महिला चेम्बरवाट विभिन्न प्रवर्द्धनात्मक कार्य हुंदै आईरहेको छ । यस मेलामा सहभागी हुन नेपाल महिला चेम्बरले आब्हान गरेको छ ।
प्रतिक्रिया