साहस ऊर्जाको आईपीओ बाँडफाँट

काठमाडौँ ।

साहस ऊर्जा लिमिटेडको आईपीओ बाँडफाँट भएको छ । कम्पनीको सेयर निष्काशन तथा बिक्री प्रबन्धक एनआईबीएल एस क्यापिटलले आज बिहान आईपीओ बाँडफाँट गरेको हो ।

एनआईबीएलका अनुसार आवेदकमध्ये ६ लाख ४४ हजार जनाले १० कित्ताका दरले सेयर हात पारेका छन् । कम्पनीको आईपीओमा कुल २३ लाख ९५ हजार ४५६ जनाले आवेदन दिएका थिए ।

कम्पनीमा परेको आईपीओमा ११ हजार ९९६ जनाले आवेदन रद्ध भएको थियो जसमा ५ हजार २५८ वटा आवेदन अस्वीकृत गरिएको थियो । कम्पनीले ७० लाख कित्ता आईपीओ निष्कासन गरेको थियो ।