काठमाडौँ ।
सिटिजन्स बैंकले संस्थापक समूहतर्फको १५ हजार ६७३ कित्ता सेयर बिक्री गर्ने भएको छ ।
बैँकको संस्थापक सेयरधनी प्रेमकुमारी थापाले आफ्नो नाममा रहेको संस्थापक शेयर बिक्रीका लागि आवेदन दिए बमोजिम संचालक समितिले बिक्री प्रक्रिया अगाडि बढाएको हो । उक्त सेयरको मूल्य प्रतिकित्ता २०५ रुपैयाँ तोकिएको हुदाँ आवेदन दिदा सो वा सोभन्दा बढी मूल्य अंकित गरी आवेदन दिन सक्नेछन् ।
उक्त सेयर खरिद गर्ने चाहने इच्छुक विद्यमान संस्थापक शेयरधनीहरुले आवश्यक कागजात संकलन गरी सूचना प्रकाशित भएको मितिले ३५ दिन भित्र बैंकको केन्द्रीय कार्यालय नारायणहिटी पथमा आवेदन दिन सकिनेछ ।
साथै तोकिएको अवधि भित्र कुनै पनि आवेदन नपरेको खण्डमा उक्त सेयर अन्य ब्यक्ति तथा संघ संस्थालाई बिक्री प्रक्रिया अगाडि बढाउने कम्पनीले जनाएको छ ।
प्रतिक्रिया