वाणिज्य बैंकहरुको निक्षेपमा सुधार, एक सातामा १७ अर्ब संकलन

पछिल्लो एक सातामा वाणिज्य बैंकहरुको निक्षेप संकलनमा निकै सुधार देखिएको छ ।

नेपाल बैंकर्स संघको एक सातको तथ्यांक अनुसार बैंकहरुले १७ अर्ब रुपैयाँ निक्षेप संकलन गरेका छन् । यस्तै, बैंकहरुले पुस २३ देखि पुस ३० गतेसम्मा ३५ अर्ब रुपैयाँ कर्जा वितरण गरेका छन् ।

पुस २ गतेसम्म वाणिज्य बैंकहरुको निक्षेप ४२ खर्ब ३९ अर्ब रुपैयाँ थियो । २८ दिनमा वाणिज्य बैंकहरुको निक्षेप ८५ अर्ब रुपैयाँले वृद्धि हुँदा कर्जा भने ७८ अर्ब रुपैयाँले बढेको छ।