काठमाडौं । सरकारले राष्ट्र बैंककका गभर्नर महाप्रसाद अधिकारीलाई निलम्बन गर्ने निर्णय गरेको छ । मन्त्रिपरिषद्को बिहीबारको बैठकले अधिकारीमाथि छानबिन गर्ने निर्णय गर्दै छानबिन समिति गठन गर्ने निर्णय गरेको थियो ।
गभर्नर अधिकारीसँग सरकार सन्तुष्ट थिएन । अर्थ मन्त्रालय र राष्ट्र बैंकबीच तालमेल नमिलेको भन्दै निजी क्षेत्रले समेत गभर्नरको आलोचना गर्दै आएका थिए ।
शुक्रबार अधिकारीले सरकारले आफूमाथि गरेको निर्णय सम्बन्धी पत्र बुझिसकेका छन् ।
गिरिजा प्रसाद कोइराला नेतृत्वको तत्कालीन सरकारले २०५६ सालमा गभर्नर डा. तिलक रावललाई हटाएर दिपेन्द्रपुरुष ढकाललाई नियुक्त गरेको थियो । तर, अदालतले रावललाई नै पुनर्वहाली गरेपछि अर्थमन्त्री महेश आचार्यले राजीनामा गरेका थिए ।
यसपटक पनि अदालतले उनीमाथिको छानबिन रोकेमा वा सरकारले पदमुक्त गरेपछि पुनर्वहाली गरेमा अर्थमन्त्री जनार्दन शर्मामाथि नैतिक संकट उत्पन्न हुनेछ ।
प्रतिक्रिया