१४ अंकले बढ्यो सेयर बजार

बुधबार सेयर बजार दोहोरो अंकले बढेको छ । नेप्से १४.३७ अंक बढेर २ हजार २३१.५७ विन्दूमा पुगेको छ ।

बैंकिङ ८, विकास बैंक २५, फाइनान्स ९, होटल तथा पर्यटन ०.०७, जलविद्युत् ३०, जीवन बीमा ५५, उत्पादन ३०, माइक्रोफाइनान्स २९, निर्जीवन बीमा १३४, अन्य ८ र ब्यापार उपसमूह २९ अंकले बढेको छ ।

आज सबैभन्दा धेरै मैलुङ खोला जलविद्युतको झण्डै ६ प्रतिशतले बढेको छ भने कर्पोरेट डेभलपमेन्ट बैंकको सेयर ७ प्रतिशतले घटेको छ । यस दिन २२६ कम्पनीको २६ लाख कित्ता सेयर १ अर्ब ४ करोड रुपैयाँको कारोबार भएको छ ।