सेयर बजार ओरालो लाग्ने क्रम जारी

बुधबार सेयर बजारको परिसूचक नेप्से ७.१९ अङ्कले घटेर दुई हजार एक सय ३० दशमलव ७३ विन्दुमा झरेको छ ।

आज बैंकिङ ५, होटल तथा पर्यटन ९, जीवन बीमा १५५, उत्पादन ३३, लघुवित्त १३, निर्जीवन बीमा १५७ र ब्यापार उपसमूह ३३ अंकले घटेको छ । त्यस्तै, विकास बैंक २१, जलविद्युत् १६ र फाइनान्स उपसमूह ५ अंकले बढेको छ । आज मैलुङ खोला जलविद्युतको मूल्य १० प्रतिशत र बलेफी हाइड्रोको मूल्य ९.९ प्रतिशतले बढेको छ । यस्तै, शिखर इन्स्योरेन्सको मूल्य १० प्रतिशतले घटेको छ ।

आज कुल दुई सय २७ कम्पनीको ३० लाख कित्ता सेयर एक अर्ब ७ करोड रुपैयाँमा कारोबार भएको छ ।