काठमाडौं । ट्रायल पास गरेर महिनौंदेखि लाइसेन्स कुरिरहनुभएको छ ? छ भने तपाइँहरुका लागि खुसीको खबर ।
सरकारले एक महिनाभित्र ७ लाख लाइसेन्स वितरण गर्ने दाबी गरेको छ ।
भौतिक पूर्वाधार तथा यातायातमन्त्री रघुवीर महासेठले बुधबार राजधानीमा आयोजित एक कार्यक्रममा तिहारअघि सबैलाई लाइसेन्स दिइसक्ने दाबी गरेका हुन् ।
मन्त्री महासेठले चालक अनुमतिपत्रको विषयमा पनि धेरै कुराहरु उठ्ने गरेको उल्लेख गर्दै अब त्यो अध्याय सकिएको दाबी गरेका छन् ।
उनले भने– ‘हामीले धेरैलाई व्यवस्थित गरिसकेका छौं । र, निकट भविष्यमा हामी ७ लाख (तिहारअघि) प्रत्येक नेपाली जसले अहिलेसम्म लाईसेन्स पाउनुभएको छैन, उहाँहरुको हातमा लाईसेन्स पुग्नेछ ।’
मन्त्रीले ३ महिनाअघि पनि १ साताभित्र सबैलाई लाइसेन्स दिने घोषणा गरेका थिए । तर, यातायात व्यवस्था विभागले कम्तिमा पनि ६ महिनासम्म लाइसेन्स दिन नसकिने बताउँदै आएको छ ।
प्रतिक्रिया