४१ अंकले बढ्यो नेप्से, एक अर्बको कारोबार

आज सेयर बजार दोहोरो अंकले उकालो लागेको छ । 

नेप्से ४१.३९ अङ्कले बढेर एक हजार नौ सय ६२.७१ विन्दुमा पुगेको छ । आज सेन्सेटिभ इण्डेक्स ६.५५ अंकले बढेको छ भने फ्लोट इण्डेक्स २.८७ अंक र सेन्सेटिभ फ्लोट इण्डेक्स २.६७ अंकले बढेको छ ।

आज आँधीखोला र सीवाईसी नेपाल लघुवित्तको सेयर १० प्रतिशतले बढेको छ भने मैलुङखोला जलविद्युत् कम्पनीको सेयर झन्डै दुई प्रतिशतले घटेको छ ।

यस दिन २२८ वटा कम्पनीको ४३ लाख कित्ता सेयर एक अर्ब ४३ करोड रुपैयाँमा कारोबार भएको छ । सबैभन्दा धेरै ङादी ग्रुप पावर कम्पनी र एसियन लाइफ इन्सुरेन्स कम्पनीको पाँच करोड रुपैयाँभन्दा धेरैको सेयर किनबेच भएको छ ।