दोहोरो अंकले बढ्यो सेयर बजार, दुई अर्बको कारोबार

बुधबार सेयर बजार दोहोरो अंकले बढेको छ । सेयर बजार परिसूचक नेप्से १३.३३ अङ्कले बढेर २ हजार ४३ .९२ विन्दुमा पुगेको छ ।

आज विकास बैंक ७२, फाइनान्स ४२, होटल तथा पर्यटन १६, जलविद्युत् ३३, जीवन बीमा २६६, उत्पादन २०, माइक्रोफाइनान्स १०, अन्य २१ र ब्यापार उपसमूह १ अंकले बढेको छ । त्यस्तै, निर्जीवन बीमा उपसमूह ३५ र बैंकिङ उपसमूह १ अंकले घटेको छ ।

यस दिन सीवाईसी नेपाल लघुवित्त र लाइफ इन्सुरेन्स कर्पोरेशन नेपालको सेयर १० प्रतिशतले बढेको छ भने ङादी ग्रुप पावरको सेयर सबैभनद धेरै तीन प्रतिशतले घटेको छ ।

आज २२८ कम्पनीका ६२ लाख कित्ता सेयर दुई अर्ब १७ करोड रुपैयाँमा कारोबार भएका छन् । सबैभन्दा धेरै गुर्खाज फाइनान्स र लाइफ इन्सुरेन्स कर्पोरेशन नेपालको सेयर साढे ११ करोड रुपैयाँभन्दा धेरैका दरले कारोबार भयो ।