प्रभु र अजोड इन्स्योरेन्सबीच मर्जर सम्झौता

प्रभु इन्स्योरेन्स र अजोड इन्स्योरेन्स कम्पनीबीच मर्जर सम्झौता सम्पन्न भएको छ ।

प्रभु इन्स्योरेन्सको तर्फबाट सञ्चालक तथा मर्जर समितिका संयोजक राजेन्द्र मल्ल र अजोड इन्स्योरेन्सका तर्फबाट सञ्चालक तथा मर्जर समितिका सदस्य चिरन्जीबी द्वाले सम्झौता पत्रमा हस्ताक्षर गरेका हुन् । दुई कम्पनी बीचमा १००ः७० शेयर अनुपात (स्वाप रेसियो) कायम हुने गरि मर्जर सम्झौता भएको हो ।

मर्जरपछि कम्पनीको नाम प्रभु इन्स्योरेन्स रहने छ भने कम्पनीको प्रमुख कार्यकारी अधिकृतमा प्रभु इन्स्योरेन्सका सञ्चित बज्राचार्य रहनेछन् । यस्तै, अध्यक्षमा अजोड इन्स्योरेन्सका आजाद श्रेष्ठ रहने छन् ।