४४ अंकले घट्यो सेयर बजार, तीन अर्बको कारोबार

मंगलबार सेयर बजार राताम्मे भएको छ। सेयर बजार परिसूचक नेप्से ४४.८ अङ्कले घटेर दुई हजार ८८.१६ विन्दुमा पुगेको हो ।

विकास बैंक ११४, फाइनान्स ५२, उत्पादन ९४, माइक्रोफाइनान्स ११०, निर्जीवन बीमा १०३, अन्य ५७, बैंकिङ २५, होटल तथा पर्यटन ७८, जलविद्युत् ४८, जीवन बीमा १३३ र ब्यापार उपसमूह ५० अंकले घटेको छ ।

आज गणपति लघुवित्त कम्पनीको सेयर झन्डै सात प्रतिशतले घटेको छ । समग्रमा बजार ओरालो लागे पनि मल्टिपर्पोज फाइनान्सको सेयर भने नौ प्रतिशतभन्दा धेरैले बढेको छ ।

यस दिन २२२ कम्पनीका ८७ लाख ४० हजार कित्ता सेयर तीन अर्ब ७० करोड रुपैयाँमा कारोबार भएको छ । सबैभन्दा धेरै शिवम् सिमेन्टको १९ करोड ३६ लाख रुपैयाँको सेयर किनबेच भयो ।