दोहोरो अंकले बढ्यो सेयर बजार, दुई अर्बको कारोबार

साताको कारोबारको अन्तिम दिन सेयर बजार दोहोरो अङ्कले बढेको छ । आज सेयर बजार परिसूचक नेप्से १३.०५ अङ्कले बढेर दुई हजार १४०.५२ विन्दुमा पुगेको छ ।

बैंकिङ ३, विकास बैंक १८१, फाइनान्स १९, होटल तथा पर्यटन १०९, जीवन बीमा ७, माइक्रोफाइनान्स २०, व्यापार३, उत्पादन ३६, र अन्य उपसमूह २३ अंकले बढेको छ । त्यस्तै, जलविद्युत् २ र निर्जीवन बीमा १५ अंकले घटेको छ ।

आज राष्ट्र उत्थान लघुवित्तको सेयर १० प्रतिशतले बढेको छ । समग्र बजार बढे पनि बुद्धभूमि नेपाल हाइड्रोपावरको सेयर सबैभन्दा धेरै झन्डै साढे ३ प्रतिशतले घटेको छ ।

आज २१६ कम्पनीको ५१ लाख कित्ता सेयर दुई अर्ब १९ करोड रुपैयाँमा कारोबार भएको छ । सबैभन्दा धेरै शिवम् सिमेन्ट्सको १२ करोड ८६ लाख रुपैयाँ बराबरको सेयर किचबेच भयो ।a