सेयर बजार राताम्मे, २४ अंकले घट्यो नेप्से

मंगलबार सेयर बजार राताम्मे भएको छ । सेयर बजार परिसूचक नेप्से २४.८३ अङ्कले घटेर २ हजार ०४१.०६ विन्दुमा झरेको छ ।

बैंकिङ ३, विकास बैंक १०१, फाइनान्स ४७, होटल तथा पर्यटन २४, जलविद्युत् ७९, जीवन बीमा ८६, उत्पादन ९८, माइक्रोफाइनान्स ५९, निर्जीवन बीमा १४२, अन्य १० र ब्यापार ३८ अंक घटेको छ ।

आज समग्र बजार ओरालो लागे अपर हेवाखोला हाइड्रोको सेयर ९.९९ प्रतिशतले बढेको छ । यस्तै, सबैभन्दा धेरै युनिलिभर नेपालको सेयर साढे ५ प्रतिशत धेरैले घटेको छ ।

यस दिन २२१ कम्पनीको ६४ लाख कित्ता सेयर दुई अर्ब ७३ करोड रुपैयाँमा कारोबार भएको छ ।