७ अंकले घट्यो सेयर बजार, एक अर्बको कारोबार

सोमबार सेयर बजारमा गिरावट आएको छ । सेयर बजार परिसूचक नेप्से ७.३८ अङ्कले घटेर २ हजार ५३.१६ विन्दुमा झरेको छ ।

ब्यापार ०.९४, अन्य १०, माइक्रोफाइनान्स १५, जीवन बीमा २, जलविद्युत् १६, फाइनान्स ८, विकास बैंक २४, बैंकिङ १, होटल तथा पर्यटन २९, उत्पादन ३२ र निर्जीवन बीमा ४७ अंकले घटेको छ ।

आज एनआईबीएल समृद्धि फन्डको सेयर झन्डै सात प्रतिशत र दोर्दी हाइड्रोपावर कम्पनीको सेयर पाँच प्रतिशतभन्दा धेरैले घटेको छ । समग्रमा बजार घटे पनि अपर हेवाखोला जलविद्युत् र मन्दाकिनी हाइड्रोपावर कम्पनीको सेयर १० प्रतिशतले बढेको छ ।

यस दिन २२२ कम्पनीको ५२ लाख ३० हजार कित्ता सेयर एक अर्ब ७२ करोड रुपैयाँमा कारोबार भएको छ । सबैभन्दा धेरै हिमाल दोलखा हाइड्रोपावर कम्पनीको २८ करोड रुपैयाँको सेयर किनबेच भयो ।