सेयर बजारमा झण्डै १२ अंकको पहिरो, ८२ करोडको कारोबार

मंगलबार सेयर बजार परिसूचक नेप्से ११.९७ अंकले घटेर एक हजार ९३९.८८ विन्दुमा झरेको छ ।

बैंकिङ ५, विकास बैंक ३७, फाइनान्स ११, जलविद्युत् २१, जीवन बीमा ३६, उत्पादन ४, माइक्रोफाइनान्स ३२, निर्जीवन बीमा ३३, अन्य ७, ब्यापार ४६ र होटल तथा पर्यटन ५२१ अंकले घटेको छ ।

आज प्राइम डिबेन्चरको सेयर झन्डै ६ प्रतिशतले घटेको छ । समग्रमा बजार घटे पनि सनराइज म्युचल फन्डको सेयर साढे सात प्रतिशतले बढेको छ ।

यस दिन २२४ कम्पनीको २९ लाख ४३ हजार कित्ता सेयर ८२ करोड ६२ लाख रुपैयाँमा कारोबार भएको छ । सबैभन्दा धेरै नेपाल दूरसञ्चार कम्पनीको पाँच करोड १५ लाख रुपैयाँको सेयर किनबेच भयो ।