वीरगन्ज । वीरगन्जका उद्योगी अशोक टेमानी वीरगन्ज महानगरपालिकाको सल्लाहकारमा नियुक्त भएका छन् ।
वीरगन्ज उद्योग वाणिज्य संघका पूर्वअध्यक्ष समेत रहेका टेमानी नेपाल उद्योग वाणिज्य महासंघका पूर्व कार्यकारीणी सदस्य एवं स्थल तथा पारवहन समितिका सभापति हुन् ।
टेमानीलाई वीरगन्जको बृहत्तर विकासका लागि सहयोग गर्ने अपेक्षासहित महानगरपालिकाको सल्लाहकारमा नियुक्त गरेको नगर प्रमुख राजेशमान सिंहले बताए । े
इण्डो नेपाल सोसियो इकोनोमिक फोरमका अध्यक्षसमेत रहेका टेमानीको अनुभव, सल्लाहसुझावले वीरगन्जको विकासमा महत्वपूर्ण भूमिका खेल्ने विश्वास महानगरपालिकाको रहेको नगर प्रमुख सिंहको भनाइ छ ।
पारवहन क्षेत्रमा अध्ययन र अनुभव रहेको टेमानी वीरगन्जलाई नै कार्यक्षेत्र बनाएर उद्योग व्यवसायमा संलग्न रहेका छन् । सल्लाहकारमा नियुक्त गरेकोमा महानगर प्रमुख सिंहलाई धन्यवाद दिँदै टेमानीले वीरगन्जको बृहत्तर विकासका लागि आफूलाई थप जिम्मेवार बनाएको बताए ।
टेमानीले आफूले पाएको जिम्मेवारीलाई इमान्दारिताका साथ वीरगन्जको विकासका लागि योगदान गर्ने बताए । महानगरपालिकाले यसअघि उद्योग अशोक वैदलाई सदभावनादूत नियुक्त गरेको छ ।
त्यस्तै लायन्स क्लबमा आवद्ध रहेर अन्तराष्ट्रिस्तरमा समेत वीरगन्ज र नेपाललाई परिचित गराएका इन्जिनियर सञ्जय खेतानलाई पनि वीरगन्ज महानगरपालिकाको सल्लाहकारमा नियुक्त गरेको थियो ।
प्रतिक्रिया