सेयर बजारमा झण्डै ३४ अंकको पहिरो

आइतबार सेयर बजारमा झण्डै ३४ अंकको पहिरो गएको छ ।

सेयर बजार परिसूचक नेप्से ३३.९७ अंकले घटेर एक हजार ८७६.४१ विन्दुमा झरेको छ ।

बैंकिङ १२, विकास बैंक ९१, फाइनान्स ४७, होटल तथा पर्यटन ४०, जलविद्युत् ६५, जीवन बीमा २२१, उत्पादन ७१, माइक्रोफाइनान्स ७७, निर्जीवन बीमा १२४, अन्य ३३ र व्यापार उपसमूह ६१ अंकले घटेको छ ।

आज बलेफी हाइड्रोपावरको सेयर सबैभन्दा धेरै झन्डै आठ प्रतिशतले घटेको छ । समग्र बजार घटे पनि ग्लोबल आईएमई समुन्नत योजना १ को सेयर भने पाँच प्रतिशतभन्दा धेरैले बढेको छ ।

यस दिन २२९ कम्पनीको ६२ लाख ९६ हजार कित्ता सेयर एक अर्ब ६० करोड रुपैयाँमा कारोबार भएको छ । सबैभन्दा धेरै लक्ष्मी विकास बैंकको २१ करोड ३८ लाख रुपैयाँ बराबरको सेयर किनबेच भएको छ ।