गौतम अडानी दोस्रो धनी कि तेस्रो ? फोर्ब्स र ब्लूमवर्गको सूचीमा किन फरक पर्‍यो ?

नयाँदिल्ली । भारतका सबैभन्दा धनी व्यक्ति गौतम अडानीले यस हप्ता विश्वका धनी व्यक्तिको वरियतामा अमेजनका संस्थापकलाई पछि पारेका छन् ।

फोर्ब्स र ब्लूमबर्गद्वारा राखिएको सूची अनुसार, अडानीको सम्पत्ति १४७ अर्ब डलर र १५२ अर्ब डलरको बीचमा छ, जसले उनलाई सूचीमा नम्बर २ (ब्लूमबर्ग) वा नम्बर ३ (फोब्र्स) मा राखेको छ ।

बेजोसको कुल नेटवर्थमा हाल लगभग १४७ बिलियन डलर छ, उनी तेस्रो (ब्लुमबर्ग) वा चौथो (फोब्र्स) को सूचीमा छन् ।

यद्यपि अडानी दुबै सूचीमा बेजोस भन्दा अगाडि छन् । लक्जरी सामान म्याग्नेट बर्नार्ड अर्नाल्ट एक ट्यालीमा दोस्रो र अर्कोमा चौथो धनी छन् ।

टाइम्स अफ इन्डियाले रिपोर्ट गरेको छ कि अडानीले यस वर्ष आफ्नो सम्पत्ति लगभग ६१ बिलियनले बढाएका छन् ।

जसमा उनको पोर्टफोलियो सिमेन्ट, एयरपोर्ट, कोइला र थपमा विस्तार भएको लेखेको छ । अडानी सबैभन्दा धनी व्यक्तिको सूचीमा शीर्ष तीनमा पर्ने पहिलो एसियाली हुन् ।

दुबै सूचीमा शीर्ष स्थान अझै पनि टेस्ला र स्पेसएक्सका सीईओ एलोन मस्कको हो ।

यस वर्षको सुरुमा जारी गरिएको एक प्रतिवेदनमा, अक्सफामले विश्वका १० धनी व्यक्तिहरूले कोभिड १९ महामारीको अवधिमा आफ्नो सम्पत्ति दोब्बर बनाएको छ भने विश्वव्यापी जनसंख्याको ९९ प्रतिशतको आम्दानीले क्षति बेहोरेको उल्लेख गरेको छ ।