दोहोरो अंकले बढेको सेयर बजारमा ७२ करोडको कारोबार

बुधबार सेयर बजार दोहोरो अंकले बढेको छ । सेयर बजार परिसूचक नेप्से ११.२२ अंकले बढेर एक हजार ८४८.८२ अंकमा पुगेको छ ।

आज म्युचुअल फन्ड बाहेक सबै उपसूचकमा हरियाली छाएको छ । आज सबै भन्दा धेरै साम्लिङ पावर कम्पनीको सेयर १० प्रतिशतले बढेको छ । समग्र बजार बढे पनि विन नेपाल लघुवित्त वित्तीयको सेयर भने तीन प्रतिशतभन्दा धेरैले घटेको छ ।

यस दिन २२६ कम्पनीको २५ लाख कित्ता सेयर ७२ करोड १२ लाख रुपैयाँमा कारोबार भएको छ । सबैभन्दा धेरै नबिल बैंकको तीन करोड ३८ लाख रुपैयाँको सेयर किनबेच भएको छ।