एकैदिन ३ हजार रुपैयाँले बढ्यो सुनको मूल्य

नेपाली बजारमा आइतबार सुनको मूल्य तिन हजार रुपैयाँले बढेको छ ।

दसैं अघिको अन्तिम कारोबारमा प्रतितोला ९३ हजार रुपैयाँमा कारोबार भएको सुन आज तीन हजार रुपैयाँले बढेर ९६ हजार रुपैयाँमा कारोबार भइरहेको छ ।

त्यस्तै, आज चाँदी प्रति तोला १ हजार २५५ रुपैयाँमा कारोबार भइरहेको छ । महासंघका अनुसार दसैं अघिको अन्तिम कारोबारका दिन चाँदी प्रतितोला १ हजार १७० रुपैयाँमा कारोबार भएको थियो ।