२७ अंकले घट्यो सेयर बजार, ९७ करोडको कारोबार

सोमबार सेयर बजार दोहोरो अंकले घटेको छ । सेयर बजार परिसूचक नेप्से २७.१६ अंकले घटेर एक हजार ८७१.२२ विन्दुमा पुगेको छ ।

बैंकिङ १५, विकास बैंक ९१, फाइनान्स ३७, होटल तथा पर्यटन ४५, जलविद्युत् ४३, जीवन बीमा ७१, उत्पादन ४१, माइक्रोफाइनान्स ७३, निर्जीवन बीमा ११४, अन्य १८ र ब्यापार उपसमूह ९ अंकले घटेको छ ।

आज सबै भन्दा धेरै हिमालयन एभरेष्ट इन्स्योरेन्सको सेयर १० प्रतिशतले घटेको छ । समग्रमा बजार घटेपनि अभियान लघुवित्तको सेयर भने झण्डै १० प्रतिशतले बढेको छ ।

यस दिन २३३ कम्पनीको ३१ लाख कित्ता सेयर ९७ करोड रुपैयाँमा कारोबार भएको छ । सबैभन्दा धेरै हिमालयन एभरेस्ट इन्सुरेन्स लिमिटेड प्रोमोटरको १६ करोड ५८ लाख रुपैयाँको सेयर किनबेच भएको छ ।