सानिमा क्यापिटलले सानिमा ग्रोथ फण्ड नामक बन्दमुखी म्युचुअल फण्ड ल्याउने भएको छ ।
कार्तिक १६ गतेबाट सामुहिक लगानी कोष योजनाको इकाईहरु निष्काशन गर्ने भएको हो । क्यापिटलले १ अर्ब २० करोडको आकार रहने योजना प्रति इकाई १० रुपैयाँको दरले फण्डको १२ करोड इकाई निष्काशन गर्न लागेको हो ।
यसले १ करोड ५६ लाख इकाई कोष प्रबर्दक सानिमा बैंकलाई, २४ लाख इकाई सानिमा क्यापिटललाई र बाँकि रहेको १० करोड २० लाख इकाईको लागि सर्वसाधारणलाई छुट्याएको छ ।
आवेदन दिँदा न्युनतम १०० कित्ता र अधिकतम पुरै कित्ताको १ करोड २० लाख कित्ताको लागि दिन सकिने छ । छिटोमा कार्तिक २० गतेसम्म र सो अवधिसम्म पूर्ण आवेदन नपरेमा ढिलोमा कार्तिक ३० गतेसम्ममा आवेदन दिन सकिने क्यापिटलले जनाएको छ ।
प्रतिक्रिया