बिहिबार सेयर बजार झिनो अंकले घटेको छ । सेयर बजार परिसूचक नेप्से १.३८ अंकले घटेर एक हजार ८४४.१४ विन्दुमा झरेको छ ।
बैंकिङ ०.०९, फाइनान्स ३, जलविद्युत् १०, जीवन बीमा ५, माइक्रोफाइनान्स ०.०७, निर्जीवन बीमा ३१, अन्य उपसमूह ०.८ अंकले घटेको छ । त्यस्तै, व्यापार १२ र विकास बैंक उपसमूह ८ अंकले बढेको छ ।
आज सेन्चुरी डिबेन्चर र सामुदायिक लघुवित्तको सेयर साढे सात प्रतिशतभन्दा धेरैले घटेको छ । समग्रमा बजार घटे पनि आज सयपत्री हाइड्रो पावरको सेयर १० प्रतिशत र विन्ध्यवासिनी हाइड्रो र विशाल बजार कम्पनीको सेयर चार प्रतिशतभन्दा धेरैले बढेको छ ।
यस दिन २२१ कम्पनीको १५ लाख कित्ता सेयर ५० करोडमा कारोबार भएको छन् । सबैभन्दा धेरै अभियान लघुवित्तको तीन करोड ६९ लाख रुपैयाँको सेयर किनबेच भएको छ ।
प्रतिक्रिया