बिहिबार सेयर बजार दोहोरो अंकले घटेको छ । सेयर बजार परिसूचक नेप्से १६.१४ अंकले घटेर एक हजार ९२२.१६ विन्दुमा पुगेको छ ।
आज बैंकिङ ११, विकास बैंक ४१, फाइनान्स १९, होटल तथा पर्यटन २०, जलविद्युत् २७, उत्पादन १३, माइक्रोफाइनान्स ४७, अन्य १७ र व्यापार उपसमूह १९ अंकले घटेको छ । त्यस्तै, जीवन बीमा १ र निर्जीवन बीमा ०.६ अंकले बढेको छ ।
आज विन नेपाल लघुवित्त, मन्दाकिनी हाइड्रो, मैलुङखोला जलविद्युत् र ग्लोबल आईएमई ब्यालेन्स फन्डको सेयर चार प्रतिशतभन्दा धेरैले घटेको छ । समग्रमा बजार घटे पनि आज युनिलिभर नेपालको सेयर साढे ६ प्रतिशतले बढेको छ ।
यस दिन २२० कम्पनीको २७ लाख ६७ हजार कित्ता सेयर ८९ करोड ८९ लाख रुपैयाँमा कारोबार भएको छ । सबैभन्दा धेरै एभरेस्ट बैंकको चार करोड रुपैयाँको सेयर किनबेच भएको छ ।
प्रतिक्रिया