दोहोरो अंकले बढेको सेयर बजारमा ८५ करोडको कारोबार

बुधबार सेयर बजार दोहोरो अंकले बढेको छ ।

सेयर बजार परिसूचक नेप्से १३.४० अंकले बढेर एक हजार ९११.२६ विन्दुमा पुगेको छ । आज म्युचुअल फण्ड र व्यापार उपसूचक बाहेक सबै उपसूचकमा हरियाली छाएको छ । यस दिन सिकलेस हाइड्रोपावरको सेयर सबैभन्दा धेरै १० प्रतिशतले बढेको छ । समग्रमा बजार बढेपनि जनउत्थान सामुदायिक लघुवित्तको सेयर भने सर्वाधिक ४.१३ प्रतिशतले घटेको छ ।

आज २३२ कम्पनीको २४ लाख ९५ हजार कित्ता सेयर ८५ करोड ९४ लाखमा कारोबार भएको छ । सबैभन्दा धेरै रिडी पावर कम्पनीको ६ करोड ३३ लाख मूल्य बराबरको सेयर कारोबार भएको छ ।