बुधबार सेयर बजार सामान्य अंकले घटेको छ । सेयर बजार परिसूचक नेप्से २.६२ अंकले घटेर एक हजार ८९७.०८ विन्दुमा पुगेको छ ।
आज बैंकिङ ३, विकास बैंक १२, जीवन बीमा २६, माइक्रोफाइनान्स ७, निर्जीवन बीमा ३, अन्य २ र व्यापार उपसमूह ०.०८ अंकले घटेको छ । यस्तै, उत्पादन १२, फाइनान्स १, होटल तथा पर्यटन १९, जलविद्युत् ५ र लगानी ०.०४ अंकले बढेको छ ।
आज सबैभन्दा धेरै पिपुल्स हाइड्रोपावर कम्पनीको सेयर १० प्रतिशतले घटेको छ । समग्रमा बजार घटेपनि आज सीवाईसी नेपाल लघुवित्त र इस्टर्न हाइड्रोपावरको सेयर १० प्रतिशतले बढेको छ ।
यस दिन २४६ कम्पनीको २० लाख कित्ता सेयर ७२ करोड रुपैयाँमा कारोबार भएको छ ।
प्रतिक्रिया