सेयर बजारमा झिनो अंकको गिरावट, एक अर्बको कारोबार

बिहिबार सेयर बजार परिसूचक नेप्से ०.०१ अंकले घटेर एक हजार ८६७.२१ विन्दुमा पुगेको छ ।

आज विकास बैंक १७, फाइनान्स १०, होटल तथा पर्यटन ६२, जलविद्युत् ११, जीवन बीमा ३७, उत्पादन १, माइक्रोफाइनान्स ७, निर्जीवन बीमा २१ र ब्यापार उपसमूह २० अंकले घटेको छ । यस्तै, बैंकिङ १ र अन्य उपसमूह ३० अंकले बढेको छ ।

आज सबैभन्दा धेरै आँधीखोला लघुवित्तको सेयर साढे ७ प्रतिशत र बलेफी हाइड्रोको सेयर साढे ५ प्रतिशतले घटेको छ । समग्रमा बजार घटेपनि सृजनशील लघुवित्त र धौलागिरि लघुवित्तको सेयर १० प्रतिशत तथा आदर्श लघुवित्त र कालिका पावरको सेयर आठ प्रतिशतभन्दा धेरैले बढेको छ ।

यस दिन २४७ कम्पनीको ३१ लाख ११ हजार कित्ता सेयर एक अर्ब ११ करोड रुपैयाँमा कारोबार भएको छ ।