सेयर बजारमा हरियाली, नेप्से ५६ अंकले बढ्दा दुई अर्बको कारोबार

बिहिबार सेयर बजारमा हरियाली छाएको छ । सेयर बजार परिसूचक नेप्से ५६.८८ अंकले बढेर दुई हजार ०२९.०३ विन्दुमा पुगेको छ ।

आज सबै उपसमूहमा हरियाली छाएको छ । बैंकिङ २४, विकास बैंक ११६, फाइनान्स ८७, होटल तथा पर्यटन ७५, जलविद्युत् १०५, जीवन बीमा ३८४, उत्पादन ११२, माइक्रोफाइनान्स ११३, निर्जीवन बीमा ३४८, अन्य ४१ र व्यापार उपसमूह ४७ अंकले बढेको छ ।

आज हिमालय ऊर्जा विकास, सानिमा लाइफ इन्स्योरेन्स र सिर्जनशील लघुवित्तको सेयर १० प्रतिशतले बढ्यो । यस्तै, धौलागिरि लघुवित्त, अजोड इन्स्योरेन्स, प्रभु लाइफ इन्स्योरेन्स, स्वेतगंगा हाइड्रोपावर, रिलायन्स लाइफ इन्स्योरेन्सको मूल्य ९.९ प्रतिशतले बढ्यो । समग्रमा बजार बढेपनि आज नेपाल बैंक डीबेन्चर २०८७ को सेयर भने झण्डै चार प्रतिशतले घटेको छ ।

यस दिन २५७ कम्पनीको ८० लाख कित्ता सेयर दुई अर्ब ८६ करोड रुपैयाँमा कारोबार भएको छ ।