बिहिबार सेयर बजार राताम्मे भएको छ । सेयर बजार परिसूचक नेप्से २२.१२ अंकले घटेर दुई हजार ९४.५४ विन्दुमा पुगेको छ ।
आज बैंकिङ ५, विकास बैंक ६५, फाइनान्स २८, होटल ५१, जलविद्युत् ५४, जीवन बीमा २३६, उत्पादन १२, निर्जीवन बीमा १३३, व्यापार २८, अन्य १० र माइक्रोफाइनान्स उपसमूह ४२ अंकले घटेको छ ।
आज सपोर्ट माइक्रोफाइनान्स, सिद्धार्थ इन्सुरेन्स र रिडी पावर कम्पनीको सेयर पाँच प्रतिशतभन्दा धेरैले घटेको छ । समग्रमा बजार घटेपनि आदर्श लघुवित्तको शेयर १० प्रतिशतले बढेको छ ।
यसदिन २५७ कम्पनीका ५८ लाख ९८ हजार कित्ता सेयर दुई अर्ब नौ करोड रुपैयाँमा कारोबार भएको छ । सबैभन्दा धेरै स्टान्डर्ड चाटर्ड बैंकको १० करोड १३ लाख रुपैयाँको सेयर किनबेच भएको छ ।
प्रतिक्रिया