एकैदिन १८ सयले बढ्यो सुनको मूल्य

नेपाली बजारमा आज सुनको मूल्य ह्वात्तै बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १८ सय रुपैयाँले बढेर १ लाख १० हजार ६ सय रुपैयाँमा कारोबार भइरहेको छ । त्यस्तै, तेजाबी सुनको मूल्य पनि तोलामा १८ सय रुपैयाँले बढेर १ लाख १० हजार ५० रुपैयाँ पुगेको छ ।

महासंघका अनुसार आज चाँदी पनि प्रतितोला २० रुपैयाँले बढेको छ । आज चाँदी २० रुपैयाँले बढेर १ हजार ४२५ रुपैयाँमा कारोबार भइरहेको छ ।