ह्वात्तै घट्यो सुनको मूल्य, कतिमा हुँदैछ कारोबार ?

नेपाली बजारमा आज सुनको मूल्य ह्वात्तै घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक हजार सात सय रुपैयाँले घटेर १ लाख ११ हजार ६०० रुपैयाँ पुगेको छ । त्यस्तै, तेजाबी सुन प्रतितोला १ लाख ११ हजार ५० रुपैयाँमा कारोबार भइरहेको छ ।

गत शुक्रबार तोलामा ८०० रुपैयाँले बढ्दै छापावाल सुन हालसम्मकै उच्च १ लाख १३ हजार ३०० रुपैयाँमा कारोबार भएको थियो । त्यस्तै, तेजाबी सुन १ लाख १२ हजार ७५० रुपैयाँमा कारोबार भएको थियो।

महासंघका अनुसार आज चाँदी पनि तोलामा २० रुपैयाँले घटेर १ हजार ४१५ रुपैयाँ कायम भएको छ। गत शुक्रबार चाँदी प्रतितोला २५ रुपैयाँले बढेर १ हजार ४३५ रुपैयाँमा कारोबार भएको थियो ।