सिद्धार्थ बैंकको नाफा ३ अर्ब १९ करोड

अघिल्लो आर्थिक वर्षकोे तुलनामा यस बैंकको नाफा ९.९१ प्रतिशतले वृद्धि भएको हो । यसअवधिमा खुद ब्याज आम्दानीमा सुधार भएपछि खुद नाफा पनि बढेको देखिएको छ । खुद ब्याज आम्दानी २३.९७ प्रतिशतले बढेर ८ अर्ब १७ करोड रुपैयाँ नाघेको छ । 

खुद फि तथा कमिसन आम्दानीमा पनि सामान्य सुधार भएको छ । जसका कारण सञ्चालन नाफा ९.८३ प्रतिशतले बढेर ४ अर्ब ६८ करोड ५७ लाख पुगेको छ । यता, कम्पनीको रिजर्भ कोष बढेर १० अर्ब नाघेको छ । खराब कर्जा भने अघिल्लो वर्ष १.०७ प्रतिशत रहेकामा अहिले बढेर २.०१ प्रतिशत पुगेको छ । 

इक्विटीमा प्रतिफल (आरओई) र सम्पतिमा प्रतिफल (आरओए) क्रमशः १३.५६ प्रतिशत र १.१६ प्रतिशत रहेको छ । खुद नाफासँगै प्रतिसेयर आम्दानी पनि २.०४ रुपैयाँले बढेर २२.६४ रुपैयाँ पुगेको छ । प्रतिसेयर नेटवर्थ १८०.७३ रुपैयाँ छ ।