काठमाडौं । नेपालीले फलफूल खरिदका लागि गर्ने खर्च झन्डै दोब्बरले बढेको छ ।
सन् २०११ मा नेपाली घरपरिवारले कूल खर्चमध्ये ३ प्रतिशत फलफूलका लागि खर्च गर्ने गरेकोमा २०२३ मा आइपुग्दा ७ प्रतिशत पुगेको छ ।
पछिल्लो १२ वर्षमा फलफूलसँगै तरकारी र माछामासुमा गरिने खचै पनि बढेको छ । जसअनुसार सन् २०११ मा तरकारीमा १० प्रतिशत खर्चने नेपालीले अहिले १२ प्रतिशत पुर्याएका छन् ।
यस्तै, १२ वर्षअघि माछामासुका लागि कूल घरायसी खर्चको १३ प्रतिशत खर्चने नेपालीले अहिले भने १४ प्रतिशत पुर्याएका छन् ।
अनाज खरिदमा सन् २०११ मा ३४ प्रतिशत खर्चने नेपाली घरपरिवारले २०२३ सम्म आइपुग्दा १७ प्रतिशतमा सीमित गरेका छन् ।
राष्ट्रिय तथ्यांक कार्यालयले सोमबार सार्वजनिक गरेको चौथो नेपाल जीवनस्तर सर्भेक्षणले यस्तो नतिजा देखाएको हो ।
प्रतिक्रिया