काठमाडौं । वैशाखमा लगानी सम्मेलनको तयारीमा जुटेको सरकारलाई वैदेशिक लगानीको निराशाजनक तथ्यांकले चुनौती थपिदिएको छ ।
माघ महिनामा जम्मा १५ परियोजनाका लागि ३४ करोड ५० लाख रुपैयाँ बराबरको लगानी प्रतिवद्धता प्राप्त भएको उद्योग विभागले जनाएको छ ।
माघको एफडीआई स्वीकृति चालू आवको त सबैभन्दा कम हुँदै हो, गत आवमा पनि यति न्यून परिमाणमा कुनै महिना एफडीआई स्वीकृत भएको थिएन ।
स्वदेशी लगानीकर्तामाथिको निरन्तर आक्रमण र पुराना कानुनका आधारमा लगानीमैत्री वातावरण बिगार्ने सरकारी रवैयाका कारण आन्तरिकसँगै वाह्य लगानी पनि आकर्षित हुन सकेको छैन ।
विभागका अनुसार माघमा दर्ता भएका उद्योगमध्ये १५ वटै साना लगानीका रहेका छन् । मध्यम र ठूला लगानी भने दर्ता भएका छ्रैनन् ।
अघिल्ला महिनामा देखिएको सुधारका कारण चालू आवको माघसम्म २२ अर्ब ६८ करोडका २४१ परियोजना स्वीकृत भएका छन् ।
प्रतिक्रिया