सानिमा बैंकको ३ लाख कित्ता संस्थापक सेयर बिक्रीमा

सानिमा बैंकको संस्थापक सेयर बिक्रीमा आएको छ । बैंकले ३ लाख कित्ता संस्थापक सेयर बिक्री खुला गरेको हो ।

उक्त सेयर खरिद गर्न इच्छुक संस्थापक सेयरधनीहरुले ३५ दिनभित्र आवश्यक कागजात संलग्न गरी बैंकको केन्द्रीय कार्यालय, नारायणचौर नाक्साल, काठमाडौंमा आवेदन दिन सक्नेछन् ।

सेयरको न्यूनतम् भाउ प्रतिकित्ता १४५ रुपैयाँ तोकिएको छ । तोकिएको समयमा संस्थापक सेयरधनीबाट आवेदन नपरेमा अन्य व्यक्ति तथा संस्थालाई बिक्री खुला गरिने बैंकले जनाएको छ ।