काठमाडौं । चालू आर्थिक वर्षको १० महिनामा मुलुकको व्यापारघाटा ११ खर्ब ७७ अर्ब १८ करोड रुपैयाँ रहेको छ । व्यापारघाटामा पनि अघिल्लो आवको तुलनामा २.२६ प्रतिशतले कमी आएको तथ्यांक छ ।
भन्सार विभागका अनुसार वैशाखसम्म मुलुकबाट १ खर्ब २६ अर्ब १७ करोड रुपैयाँमा सीमित रहेको छ । चालू आवमा निर्यात ३.६१ प्रतिशतले गिरावट आएको हो ।
वैदेशिक व्यापारका समग्र सूचकांकहरुमा गिरावट देखिएको विभागले जनाएको छ । विभागका अनुसार वैशाखसम्म आयात २.३९ प्रतिशतले घटेर १३ खर्ब ३ अर्ब ३५ करोडमा सीमित रहेको छ ।
कूल वैदेशिक व्यापारमा पनि २.५ प्रतिशतशको गिरावट आई १४ खर्ब २९ अर्ब ५३ करोड रुपैयाँमा झरेको छ ।
वैशाखसम्म २ खर्ब ३७ अर्ब ९ करोडको पेट्रोलियम पदार्थ आयात भएको तथ्यांक छ । जसमध्ये १ खर्ब १५ अर्ब ६७ करोडको डिजेल, ५६ अर्ब ८० करोडको पेट्रोल, ४६ अर्बको एलपी ग्यास, १७ अर्ब ५८ करोडको हवाई इन्धन र १ अर्ब ३ करोडको मटीतेल आयात भएको छ ।
प्रतिक्रिया