कुमारी बैंकको १० लाख कित्ता संस्थापक सेयर लिलामीमा

काठमाडौं । कुमारी बैंकको संस्थापक सेयर बिक्रीमा आएको छ । बैंकले १० लाख कित्ता संस्थापक सेयर लिलामी बिक्री खुला गरेको हो ।

यसमा बैंकका संस्थापक सेयरधनीसहित अन्य व्यक्ति, कम्पनी तथा संघसंस्थाले न्यूनतम १०० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ ।

यसमा न्यूनतम १० हजार कित्तादेखि अधिकतम सबै कित्ताका लागि आवेदन दिन सक्नेछन् । बिक्री प्रबन्धक कुमारी क्यापिटल, नक्साल काठमाडौंमा पुग्ने गरी आवेदन बुझाउनुपर्नेछ । जेठ २२ गतेसम्म आवेदन सकिनेछ ।