पोखरा । गण्डकी प्रदेशमा नेपाली कांग्रेसका नेता मुख्यमन्त्री सुरेन्द्र पाण्डेले विश्वासको मत पाएका छन् । सबै प्रदेशमा केन्द्र गठबन्धनकै अभ्यास हुँदै आए पनि गण्डकीमा क्रमभंग भएको छ ।
नेपाल समाजवादी पार्टीका सांसद फणीन्द्र देवकोटाले मुख्यमन्त्री सुरेन्द्रराज पाण्डेको पक्षमा मतदान गरेसँगै उनले विश्वासको मत पाएका हुन् ।
उनले सोमबार मुख्यमन्त्री पाण्डेले संसदमा प्रस्तुत गरेको विश्वासको मतको पक्षमा मतदान गरेका हुन् । उनीसँगै कांग्रेसका २७, राप्रपाका २, स्वतन्त्र सांसद राजीव गुरूङ (दीपक मनाङे) गरी ३१ सांसदले पक्षमा मतदान गरका छन् । ६० सदस्यीय संसदमा बहुमत सांसदले मतदान गरेपछि मुख्यमन्त्री पाण्डेले विश्वासको मत पाएका छन् ।
एमालेका २२ र माओवादीका ६ सांसदले विपक्षमा मतदान गरेका छन् । माओवादीले विश्वासको मतको विपक्षमा मतदान गर्न ह्विप जारी गरेको थियो ।
देवकोटाले पाण्डेको पक्षमा मत दिएपछि विपक्षी सांसदले केहीबेर नारावाजी गरेका थिए । मुख्यमन्न्त्री पाण्डे संविधानको धारा १६८ (३) बमोजिम संसद्को ठूलो दलको नेताको हैसियतमा जेठ १६ मा नियुक्त भएका थिए ।
प्रतिक्रिया