काठमाडौं । वाणिज्य बैंकहरुले १० महिनामा ४८ अर्ब खुद नाफा कमाएका छन् ।
नेपाल राष्ट्र बैंकले सार्वजनिक गरेको तथ्यांकअनुसार वाणिज्य बैंकहरुले चालु आवको वैशाख मसान्तसम्म ४८ अर्ब बढी खुद नाफा आर्जन गरेका हुन् ।
२० वटा वाणिय बैंकहरुमध्ये सबैभन्दा नाफा कमाउनेमा नबिल बैंक परेको छ । यस अवधिमा बैंकले ५ अर्ब ४६ करोड रुपैयाँ खुद नाफा आर्जन गरेको छ ।
यस्तै, दोस्रोमा ग्लोबल आइएमई बैंकले ४ अर्ब १२ करोड र तेस्रोमा नेपाल ईन्भेष्टमेन्ट मेगा बैंकले ३ अर्ब ७७ करोड रुपैयाँ खुद नाफा आर्जन गरेका छन् ।
यस अवधिमा सबैभन्दा कम नाफा गर्ने बैंकमा नेपाल बैंक रहेको छ । बैंकले वैशाख मसान्तसम्म ५९ करोड रुपैयाँ नाफा गरेको छ ।
प्रतिक्रिया