काठमाडौं । संघीय संसद् सचिवालयका कर्मचारीको माग सम्बोधन गर्न समिति गठन भएको छ । कानुन, न्याय तथा संसदीय मामिलामन्त्री पदम गिरीको संयोजकत्वमा तीन सदस्यीय समिति गठन भएको हो।
समितिमा संसद सचिवालयका महासचिव पाण्डेय र अर्थ मन्त्रालयका सचिव मरासिनी सदस्य रहनेछन्।
आइतबार बिहान प्रधानमन्त्री निवास बालुवाटारमा बसेको बैठकले कानुनमन्त्री गिरी, संसद्का महासचिव पद्मप्रसाद पाण्डेय र अर्थसचिव मधु कुमार मरासिनी सहितको समिति गठन गरेको छ । समितिलाई सचिवालयका कर्मचारीका माग सम्बोधन गर्न जिम्मा दिइएको शेखर अधिकारीले जानकारी दिए ।
प्रधानमन्त्री पुष्पकमल दाहाल समेतको उपस्थितिमा बसेको बैठकमा सभामुख देवराज घिमिरे, राष्ट्रिय सभाका अध्यक्ष नारायणप्रसाद दाहाल, पूर्वप्रधानमन्त्री एवं नेकपा एमालेका अध्यक्ष केपी शर्मा ओली, अर्थमन्त्री वर्षमा पुन र कानून, न्याय तथा संसदीय मामिला मन्त्री पदम गिरी, मुख्य सचिव बैकुण्ठ अर्याल लगायत उपस्थित थिए ।
प्रतिक्रिया