काठमाडौँ । एनआइसी एसिया बैंकले आफ्नो स्वामित्वमा रहेको नेपाल इन्फ्रास्ट्रक्चर बैंक (निफ्रा) को संस्थापक सेयर लिलामी बिक्री खुला गरेको छ ।
बैंकले १० लाख कित्ता संस्थापक सेयर लिलामी बिक्री खुला गरेको हो ।
सेयर खरिद गर्न इच्छुक विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले असार १७ गतेसम्म बोलपत्र पेश गर्न सक्नेछन् ।
यसमा लगानीकर्ताले न्यूनतम १०१ रुपैयाँ भाउ राखेर न्यूनतम १० हजार कित्ताका लागि आवेदन दिन सक्नेछन् ।
लिलामी आवेदन एनआइसी एसिया क्यापिटल थापाथली काठमाडौं, एनआइसी एसिया बैंकको कर्पोरेट कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट पेश गर्न सकिनेछ ।
प्रतिक्रिया